آمار
وب سایت:
عرفان علی(ع)دور
استاد دیندار(کامران) (1).jpg)
بو دونیا ده مه تابان علی دور
شجاعتلن ائدن طوفان علی دور
ازلدن تا کی روزء واپسینه
امیرالمومنین سلطان علی دور
به غیر از اون دورت آیه نام احمد
تمام معنی قرآن علی دور
قیاس ائدمه جاهان اهلین علینن
جماعت قطره دور عمان علی دور
مروّ ت معدنی دریای عرفان
الا یا ایهّا انسان علی دور
عدالت سایه سین سالدی جاهانه
جانن عد له ائدن قوربان علی دور
قرآن آیاتینی حق نازل ائدی
اونون جلدی شه مردان علی دور
دمی عیسی ده یوخ حکمت قولاق وئر
دوای دردی بیر درمان علی دور
خلیل الله و آدم نوح و الیاس
مسیح و موسی عمران علی دور
گؤریب ختم رسُل معراج ائده نده
نوال ناقه عرفان علی دور
اولان پیروز خضره یئدی سی دده
ائدن الیاسی ده حیران علی دور
سویوق ائلر بویو فریادی زردی
اولان دونیاده بیر داستان علی دور
گؤرچین احساسی عدوان دا اولماز
اولان جلادینه رحمان علی دور
اونون شأ نینده نازل اول دی آیه
نماز اوسته ائدن احسان علی دور
شجاعت دونیا دا بیر دفتر اولسا
اونا سر مطلع و عنوان علی دور
دینن گولزاری سولماز ظلم و کینلن
خزان گور مز اونا باغ بان علی دور
گر ایستیر دیده گانین حقی گؤرسین
یقین ائد صورت جانان علی دور
علی دن تاب دی الهام طبع کامران
ائدن اشعاری ده جولان علی دور
ورود کاربران
خوش آمدید! لطفا وارد حساب خود شوید